ရှေးသရောအခါက

Anonymous has left a new comment on your post "Woodlands/Sunday":

ရှေးသရောအခါက ရာမညတိုင်း မာလာယုပြည်အနီး၊ ချင်ကြာပူရ ဟုအမည်ရသော လွန်စွာစည်ကားသည့် တိုင်းနိုင်ငံငယ်လေး တခုရှိလေသည်။ ..နေမပူ၍ လေပူမတိုက်သော နေ့တနေ့~~ ချင်ကြာပူရတိုင်း၏ အထင်ကရမြို့လယ်.. ဥယျာဉ်ခြံလမ်းမကြီး ကား အမျိုးအစားများပြားစုံလင်လှသော.

. ရှော့ပင်းစင်တာများသို့ လာရောက်ဈေးဝယ်ကြသော ..သူငယ်မ၊ လုံမပျိုကြီးငယ် များဖြင့် ရှုပ်ထွေးစည်ကားနေလေတော့သည်.. ထိုအခိုက် တစုံတခုကိုမြင်လိုက်ရလေသည်.. ကျွနုပ်တို့ ချာရာဏသီတိုင်း ရွှေမရာမာပူရမှ လာဟန်တူသော လုလင်ပျိုသုံးယောက်... တယောက်ကား မော်မော်ကြွားကြွား တောသူဌေးသားဂိုက်အပြည့်နှင့် တယောက်မှာကား ဂန္ဓာလရာဇ်နွယ်ဖွားမျက်နှာပေါက်နှင့်ဖြစ်၏၊ နောက်ဆုံးတယောက်ကား မာလာယုပြည်သားနှင့်ခပ်ဆင်ဆင်ဖြစ်၏၊ အနှီသုံးယောက်ကား တယောက်နှင့်တယောက် အော်ကျယ်ဟစ်ကျယ် စကားပြောလျက် ဈေးဝယ်လာကြသော သူငယ်မ၊ လုံမပျိုကြီးငယ်တို့၏ စကပ်တိုတို ဘောင်းဘီတိုကပ်ချက်ပြုတ်တင်ပေါ်၊ အင်္ကျီခါးပြတ် ကျောဖော်ရင်ပေါ် ကြိုးတချောင်းအင်္ကျီ တို့မှ ထွက်ပ်ါလာသော ပေါင်သားဝင်းဝင်း ဗိုက်သားဝင်းဝင်း..အဝတ်စလွတ်သောနေရာမှ ဝင်းဝင်း၊ ဝင်းဝင်းနှင့်ထွက်ပေါ်လာသော၊ အရာမှန်သမျှကို ထူးဆန်းအံ့သြစွာ..ကြည့်ရှုလျက် ..ယင်ကောင်နားလောက်သော ပါးစပ်များဖြင့် ရွှေမရမာပူရစကားကို အားပါးတရပြောဆိုနေကြလေသည်.... ကောင်းကင်ကား ကြည်လင်၍ နေသာနေပေသည်.. ထို လုလင်ပျို သုံးယောက်တို့၏ ပြောစကားများအရ သူတို့ကား သင်္ဘောသီးများတည်း.. မကြာခင် တရုတ်တန်းရှိရာအရပ်သို့ အလုပ်ကိစ္စ အလို့ငှာ သွားရောက်ရန် တိုင်ပင်နေကြလေသည်... ဘတ်စ်ကားမကြပ်သေးသော နေ့လည်အချိန်တချိန်သာ ဖြစ်တော့သည်..။ ချင်ကြာပူရတိုင်း၊ တရုတ်တန်းအရပ်။ ... တောသူဌေးသား ဦးဆောင်လျက် အနှီရွှေမရမာပူရသား သုံးယောက် တရုတ်တန်းတခုလုံးအားသိမ်းပိုက်တော့မည့် ဟန်နှင့်ဘတ်စ်ကားပေါ်မှ ဆင်းလာကြသည်.. သူတို့နှင့် ရှေ့မလှမ်းမကမ်းမှာတော့ ဂန္ဓာလရာဇ်နွယ်ဖွား ဖြစ်ဟန်တူသော အမိုက်စားလုံမပျိုနှစ်ယောက် အန္တရာယ်ကိုမသိသည့်အလား အမိုက်စားဝတ်စားပြင်ဆင်လျက်.. ဦးသောင်းစိန်လမ်းမကြီးအားဖြတ်ကူးရန် မီးပွိုင့်ရှိရာ အရပ်သို့လမ်းလျှောက်သွားနေကြ၏။ ကျွန်ုပ်၏ လုလင်ပျိုသုံးယောက်ကား ထိုအမိုက်စားလေးနှစ်ယောက်နောက်မှကပ်လျက် တယောက်နှင့်တယောက်..
အမျိုးမျိုးမှတ်ချက်ပေး၍ လိုက်လာလေသည်.. မိုးတိမ်များကား ရုတ်တရက် အုပ်မှောင်လာ၏.. တောသူဌေးသား ပါးစပ်မှ မစားရအညှော်ခံ ပျစ်ပျစ်နှစ်နှစ် ရွှေမရမာပူရစကားများကား တရစပ်ထွက်ကျနေ၏.. အမိုက်စားလေးနှစ်ယောက် ဦးသောင်စိန်လမ်းတဖက်သို့ကူးရန် မီးပွိုင့်၌လူရုပ်ကလေးက အနီေ၇ာင်ပြနေ၍ ရပ်လိုက်လေသည်..တောသူဌေးသား ပါးစပ်ကား ပျစ်ပျစ်နှစ်နှစ် ရွှေမရမာပူရစကားများထွက်ကျလျက်ရှိဆဲ... ကောင်းကင်၌ မိုးကားမှောင်မဲ၍သည်းကြီးမည်းကြီးရွာမည့်ဟန်ရှိ၏.... ရုတ်တရက်.... အမိုက်စားလေးနှစ်ယောက် အနက်မှ ချာရဏသီတိုင်းမှရုပ်ရှင်မင်းသမီး ပုလဲဝင်း..၏
မျက်နှာပေါက်နှင့်ဆင်သော အမိုက်စားလေးတယောက်.. ချာကနဲလှည့်၍ တောသူဌေးသားအား ခပ်တည်တည် မျက်နှာထားဖြင့် မျက်နှာချင်းဆိုင်လိုက်လေသည်... ထို့နောက် တချက်ပြုံးလျက်.... လွန်စွာမှပီသသော..ချိုမြသောေ၇ွှမရာမာပူရစကားဖြင့် တောသူဌေးသားအား ယခုလို ပြောဆိုလိုက်လေသည်.... " မောင်လေးမှာနှမတွေ ရှိမှာဘဲ.. မောင်လေးရဲ့နှမတွေကို မောင်လေးပြောသလို အပြောခံရရင် မောင်လေးဘယ်လိုနေမလဲ.. နှမချင်းကိုယ်ချင်းစာပါ... ချင်ကြာပူရမှာေ၇ွှမရမာပုရ စကားပြောရင်ဆင်ခြင်ပါ.. မောင်လေးမသိတဲပေ၇ွှမရာမာပူ၇တိုင်းသားတွေ ဒီမှာအများကြီးရှိတယ်.. နောက်နောင်.. ဆင်ခြင်ပါ.. ဒီတခါတော့ ခွင့်လွှတ်လိုက်မယ်.. သဘောပေါက်တယ်နော်.. ဆို၍.. လူရုပ်ကလေးအစိမ်းေ၇ာင်ပြပြီုဖြစ်သဖြင့် လမ်းတဘက်သို့ ဖြတ်ကူးသွားကြလေသည်.. တောသူဌေးသားကား ခွေးအကြီးလှည်းနင်းသကဲ့သို့.. အအာအိအီ..နှင့် ဖင်ကုတ်ခေါင်းကုတ် ပါးစပ်အဟောင်းသား... ကျန်..လုလင်ပျိုအဖော်နှစ်ယောက်နှင့်အတူ မီးပွိုင့်မှာ ကြောင်၍ကျန်ရစ်ခဲ့လေသည်... မိုးကားသည်းကြီးမဲကြီး ချိမ်း၍ ရွာလေပြီ။ ..မိုးနှင့်အတူ ပါလာသော ဒေဝေါက အသံနက်ကြီဖြင့် ကိပတ်သဂွတ်ဝေါ့ဟုဆိုကာ …... ဤတွင်ပြီး၏။



Posted by Anonymous to khin oo may at August 26, 2010 11:55 AM